श्रीमंतयोगी छत्रपती शिवाजी महाराज 🚩

छत्रपती शिवाजीमहाराजांशी तुलना करण्यास सर्व बाजूंनी साजेल असा मानव सापडणे कठीण आहे....

ग्रीसचा सिकंदर बादशहा इतिहासात मोठा पराक्रमी गणला जातो, परंतु सिकंदरास सर्व जग जिंकण्याची हाव होती जिंकलेल्या प्रदेशाची सुधारणा करून राज्यव्यवस्था ठरवण्यात त्याने लक्षच घातले नाही छत्रपती शिवाजीमहाराज सिकंदरासारखे जगज्जेतृत्वासाठी किंवा दिगंत कीर्तीसाठी हपापलेले नव्हते. शिवाय सिकंदराच्या बापाने अगोदरच मोठे राज्य कमावून ठेवले होते, तशी गोष्ट छत्रपती शिवाजी महाराजांची नव्हती. तसेच शहर काबीज केल्यावर तेथच्या लोकांची नाहक कत्तल करणे, अमोलिक ग्रंथसंग्रह जाळून टाकणे, शरण आलेल्या बंदिवानास यमसदनी पोचवणे, स्त्रियांवर अत्याचार करणे व मदिरेच्या भक्तीत बेफाम होणे असली घोर पापे छत्रपती शिवाजी महाराजांना कधीही शिवली नाहीत. प्रसिद्ध रोमन सरदार जूलियस सीझर व छत्रपती शिवाजी महाराज यांच्यात थोडे साम्य आहे दोघेही धोरणी, राजकारणकुशल व व्यवस्थित होते पण सीझरही जगज्जेतृत्वाच्या हव्यासापासून अलिप्त नव्हता. रोम राष्ट्राच्या विस्तृत व संपन्न पायावर सीझरने पराक्रम गाजवणे व मुळात काहीच नसता छत्रपती शिवाजीमहाराजांनी आपल्या राष्ट्रास स्वातंत्र्य प्राप्त करून देणे, यात पुष्कळ फरक आहे...

छत्रपती शिवाजीमहारांजांपेक्षा जास्त पराक्रम गाजवणारे किंवा जास्त देश जिंकून त्याजवर राज्य करणारे पुरूष पुष्कळ आढळतील पण त्यांच्या गुणसमुच्चय एका व्यक्तीत एकत्रित झालेला सहसा आढळत नाही... फार काय छत्रपती शिवाजी महाराजांच्यात अमुक एक दोष दाखवा असा प्रश्न कोणी केल्यास आपणास निरूत्तर व्हावे लागते...

――――――――――――
रियासतकार गो.स. सरदेसाई..