ⲠⲨⲢⲤⲀⲦ || Ⳝⲁⳅⲁⲣⳝⲁύ Ⲯⲟⲗⲇⲁⲥⳝⲁⲉⲃ

ТАҢҒЫ ОЙЛАР

Жерге жақынласты аспанның өзи,
Таўлар ийилиўи мүмкин еле де.
Жамғырлар сел болды, не болыр изи,
Көлге қуйылыўы мүмкин еле де,
Шөллер жуўылыўы мүмкин еле де.

Пәнжеси тиймеген адамийзаттың,
Туўылған жер десе, зер етип саттың.
Сиз ҳәм биз жасаған мына топырақтың,
Аман қалыўы да мүшкил еле де,
Тамам болыўы да мүмкин еле де.

Сәнемлер алдады сазлары менен,
Шәменниң зарлады ғазлары терең.
Тырналар баратыр ўаз-ўазлар гилең,
Қус тилин түсиниў мүмкин еле де,
Қыз тили тилсими мүшкил еле де.

Биз айтқан намалы қосықлар жалған,
Жалған намаларды өзимиз шалған.
Соңында ҳешбири уйқасбай қалған,
Енди үйлесиўи мүмкин еле де,
Елди бийлесиўи мүмкин еле де.

Әй, мениң ең абзал жора-жолдасым,
Шаўып баратырсыз турмыс жорғасын.
Бундайда ким-кимди демеп қолласын,
Алланың қоллаўы мүмкин еле де,
Бендесин қорғаўы мүмкин еле де.

Сәўлеси сөнген соң туўылған айдың,
Қуяш жақтыртады қуўысын жайдың.
Ишин нурландырған кеўил сарайдың.
Сәўлеси сөниўи мүмкин еле де,
Бәлким, сөнбеўи де мүмкин еле де.

Базарбай Жолдасбаев
28-қаўыс

Кеше ақшам бир сақый қыз:
"Дүнья әлўан гүл...- деди. -
Қуяш батып, шықса жулдыз,
Тикенлисин жул ..." - деди.

"Бизиң үйде шийе бағ бар,
барыўға жоқ жол", - деди. -
Қыздың жолы қылдан да тар -
бағқа уры бол," - деди.

Сыңқ-сыңқ күлди: "Мен бир гүлмен.
Бағды қыйнар шөл...- деди.-
Қорқсаң уры болыўдан сен,
жигит болмай өл..." - деди.

Бахтыяр ГЕНЖЕМУРАТОВ

Уллы адамлар қай заманда-ҳәм тар заманға сыймаған,
Тар заманға сыймағанды кең заманлар сыйлаған!

Шаўдырбай Сейитов

Канал: 👉 https://t.me/Shawdirbay_Seyitov
https://t.me/seyitov_shawdirbay_topar

Сағыныш — руўхың бара алған жерге, денеңниң бара алмаўы.

Фёдор Достоевский

Қарақалпақ тилиниң түсиндирме сөзлиги VII том болып баспадан шықты. Бул томлықта Қарақалпақ халқының фольклорлық мийрасынан үлгилер, жыраўлардың термелери, әдебияттың қәлиплесиўи менен бугинги кунге шекемги барлық дөретпелерден мысаллар алынып VII томлыққа жыйналған.

Ең қуўанышлысы II, III томға Жас дөретиўшилердиң (Б.Сарыбаев, Н.Жангелдиев, Н.Караматдинова, Б.Жолдасбаев, М. Оразбаева, A.Қойлыбаев, А.Дәрменов, М.Қартбаева, Б.Қыдырныязов, С.Айтмуратова, А.Смайлов, Г.Айтмуратова ) дөретпелери мысал ретинде берилипти. Солардың қатарында өзимниң де қосық қатарларым бар екен.
Қандай бахыт...
Усы сөзликти дүзиўшилерден бири Э.Оразымбетоваға айрықша миннетдаршылық билдиремен.
Оған тийисли бөлим толығы менен жаслар поэзиясына, айрықша Қарақалпақ айтыс каналындағы айтыскерлердиң дөретиўшилигине арналған .
Сөзликти дүзиўде қатнасқан редколлегия ағзаларына, дүзиўшилерге мың алғыс.
Бул сөзлик Қарақалпақ тил билимине, Қарақалпақ әдебияты ушын, Қарақалпақ халқы ушын өлмес мийрас болары анық.

https://t.me/sheginisten

Көклерде көк кептер қустаймыз, жаным,
Қайғырма кел кеўил хошлаймыз, жаным.
Мениң танысым жоқ арғы дүньяда,
Бәрибир бейиште ушпаймыз, жаным.

Муҳаммед Юсуф

Сүйилген адам да қалмайды инсап,
Қәдири болмайды сүйген адамның.


Базарбай ЖОЛДАСБАЕВ



Жаңа толқын, жаңа әдебият:
Ағза болың👉 https://t.me/QRJas_doretiwshiler